ഷിൻഫ ഷെറിൻ എം കെ
അരീക്കോട്: വിദ്യാർത്ഥികളിൾക്കിടയിൽ കൃഷിയോടുള്ള ആഭിമുഖ്യവും താൽപര്യവും വർദ്ധിപ്പിക്കുകയെന്ന ലക്ഷ്യത്തോടെ സുല്ലമുസ്സലാം സയൻസ് കോളേജിലെ എൻ.എസ്.എസ്. യൂണിറ്റിന്റെ നേതൃത്വത്തിൽ വെജിറ്റബിൾ-ഫ്രൂട്ട് ഗാർഡൻ ഒരുങ്ങുന്നു. കോളേജിലെ ലേഡീസ് ഹോസ്റ്റലിനു സമീപത്തായാണ് തോട്ടം ഒരുക്കിയത്. ഫ്രൂട്ട് ഗാർഡന്റെ ഉദ്ഘാടനം പ്രിൻസിപ്പാൾ ഡോ. പി. മുഹമ്മദ് ഇല്യാസ് മാവിൻ തൈ നട്ട് നിർവഹിച്ചു. മാവ്, പ്ലാവ്, റംബുട്ടാൻ തുടങ്ങിയ പഴങ്ങളുടെ ചെടികളാണ് ഗാർ‍ഡനിലുള്ളത്.
എൻ. എസ്. എസ്. യൂണിറ്റുകളിലെ വിദ്യാർത്ഥികൾ വിവിധ ഗ്രൂപ്പുകളായി തിരി‍ഞ്ഞാണു കൃഷി പരിപാലിക്കുന്നത്. മെയ് മാസത്തിൽ ആരംഭിച്ച വെണ്ട, പയർ, മുളക് തുടങ്ങിയ പച്ചക്കറികളുടെ കൃഷികൾ ഒക്ടോബർ മാസം മുതൽ വിളവെടുത്ത് തുടങ്ങി. പ്രോഗ്രാം ഓഫീസർമാരായ ഡോ. എൻ. എ. മുഹമ്മദ് ഷാനിദ്, കെ. ടി. മുഹമ്മദ് ബഷീർ എന്നിവരുടെ നേതൃത്വത്തിലാണ് ഗാർഡൻ ഒരുങ്ങുന്നത്.
