ഫസ്ന ജബിൻ സി.കെ
അരീക്കോട്: ഇസ്രയേൽ – പലസ്തീൻ സംഘർഷം കേവലമൊരു അന്താരാഷ്ട്ര അതിർത്തിപ്രശ്നമല്ലെന്നും ഫലസ്തീനിലെ ജനങ്ങൾ നേരിടുന്നത് സമാനതകളില്ലാത്ത അധിനിവേശമാണെന്നും മഹാത്മാഗാന്ധി യൂണിവേഴ്സിറ്റിലെ ഇന്റർനാഷണൽ റിലേഷൻസ് പഠനവിഭാഗം അസിസ്റ്റന്റ് പ്രൊഫസർ ഡോ. ലിറാർ പുളിക്കലകത്ത് അഭിപ്രായപ്പെട്ടു. അരീക്കോട് സുല്ലമുസ്സലാം സയൻസ് കോളേജിലെ ഹിസ്റ്ററി – ജേണലിസം വിഭാഗങ്ങൾ സംയുക്തമായി സംഘടിപ്പിച്ച “ഇസ്രായേൽ – പലസ്തീൻ സംഘർഷം: ചരിത്രവും വർത്തമാനവും” സെമിനാറിൽ മുഖ്യപ്രഭാഷണം നടത്തുകയായിരുന്നു അദ്ദേഹം.
ഇസ്രായേൽ – പലസ്തീൻ സംഘർഷത്തിന്റെ ചരിത്രപരമായ പശ്ചാത്തലവും സമീപകാല സംഭവ വികാസങ്ങളും വിശകലനം ചെയ്ത സെമിനാർ പലസ്തീൻ ജനതയുടെ ദുരനുഭവങ്ങളും ഇസ്രായേൽ നടത്തുന്ന ക്രൂരതകളും പ്രധാന ചർച്ച വിഷയമായി.
സെമിനാർ ഹാളിൽ നടന്ന പരിപാടിയുടെ ഉദ്ഘാടനം കോളേജ് വൈസ് പ്രിൻസിപ്പാളും ചരിത്രവിഭാഗം മേധാവിയുമായ ഡോ. പി. മുസ്തഫ ഫാറൂഖ് നിർവഹിച്ചു. ബി. എ. കമ്മ്യൂണിക്കേഷൻ ആന്റ് മീഡിയ – ഹിസ്റ്ററി വിഭാഗത്തിലെ നൂറോളം വിദ്യാർത്ഥികൾ സെമിനാറിൽ പങ്കെടുത്തു. ജേർണലിസം വിഭാഗം മേധാവി റിയാസ് അബൂബക്കർ നന്ദി പറഞ്ഞു.
Hey all, checking out 88jilli. Seems promising. Any inside scoop? What games are worth playing?